Joven edukadu, matenek boot ida halo hela viajen ho aviaun ba Bali. Iha nia sorin, tuur feto ida, ferik-los ona. Hafoin kuinese, sira koalia halimar ba malu.
Joven ne’e husu: “ avo ba Bali atu halo saida?”
“Hau ba tranzitu deit iha Bali atu liu ba Singapura visita hau nia oan-mane daruak”, ferik hatan.
“Waoo.. avo nia-oan daruak vale duni”. Hafoin joven edukadu ne’e hanoin, no hakarak-los atu hatene liu tan, nia kontinua ho pergunta: “ohin avo dehan oan daruak iha Singapura, entaun nia maun-alin sira iha ne’ebé hotu?” Avo ne’e hahú konta: “Hau nia-oan datoluk Doutor ida, ida dahaat ne’e Enjeñeiru, oan ba dalimak Arkitetu, daneen ne’e Jestór iha banku no dahitu nu’udar Emprezáriu iha Maliana”.
Joven matenek boot, edukadu ne’e, nonok deit hodi admira tebes, ferik ne’e susesu tebes eduka nia-oan sira, husi oan daruak to’o dahitu, sai ema suseu boot tebes. Hafoin, joven ne’e kontinua husu: “Oinsa ho avo nia-oan dahuluk?” Ferik ne’e dada-iis naruk hodi hatan: “ Hau nia-oan primeiru hanesan Agrikultór iha Atabae”.
Joven edukadu ne’e mos senti laran-susar, “Diskulpa avo, karik ita-boot laran-tristi ho ita nia-oan dahuluk. Maibe la-buat ida, tanba nia alin-sira hetan edukasaun aas no sai ona ema susesu, nia nafatin hanesan ema to’os nain”.
Ho oin-midar, ferik ne’e hatan: “ Lae, laos hanesan ne’e oan diak, hau orgullu tebes ho hau nia-oan primeiru, tanba nia mak selu hotu nia-alin sira nia eskola to’o remata”.
Buat ida importante liu ba ita nia moris mak: La’os se mak O maibe saida mak O halo tiha ona.