Liafuan Tetun ne’ebé bai-bain ema temi ka hakerek la tuir ortográfika ne’ebé los.
Problema = la’os ‘porlema’, ‘proglema’ ka ‘porglema’. Atu fo hanoin deit, liafuan ne’e mai husi lian Portugés ‘problema’
Presiza = laos perjija, perjisa, persisa, perjija no seluk-seluk tan (nsst)
Amu Bispu = la’os Amu Bisku
Ezije = la’os ijiji, ijizi, izizi
Goza = la’os goja (adopta husi Portugés ‘gozar’)
Meza = la’os meja (Ida ne’e ita sei bele diskuti, tamba balu dehan ita adopta husi Lian Indonesia ‘meja’, maibé tuir ortografika tetun, meza ne’e adopta husi lian Portuguese ‘mesa’.
Nota: letra S ne’ebé iha lian Portuguese iha entre vogal rua nia leet, ita muda sai Z iha lian Tetun.
Ezemplu: preciSa = presiZa (S iha entre vogal i ho a, iha tetum sai Z), coiSa = koiZa, atraSado = atraZadu, uSa = uZa, meSa = meZa, reSolve = reZolve, nsst.
Atu kompara deit, liafuan ne’ebé iha Tetun ita modifika ba J, mak lia-fuan ne’ebé iha lian inisiu Portugés uza letra G.
Ezemplu: Diriji, jerente, vantajen, marjinal (Iha lian Portugés uza letra G; dirigir, gerente, vantagem, marginal)
Keta haluha iha mos liafuan balu uza nanis tiha ona letra J iha Portugés hanesan ajuda, janela, jornal. Ba hirak ne’e, ita adopta tomak deit sein halo modifikasaun ruma.
Tan ne’e, tetun lolós la’os MEJA no UJA maibe MEZA no UZA
Nota atu lembra
Karik iha liafuan inisial Portugés uza S entre vogal rua, iha tetun sai Z la’os J
Karik iha liafun inisial Portugés uza G antes vogal ruma, iha tetun modifika sai J
Tan ne’e, tetun lolós la’os MEJA no UJA maibe MEZA no UZA
Nota atu lembra
Karik iha liafuan inisial Portugés uza S entre vogal rua, iha tetun sai Z la’os J
Karik iha liafun inisial Portugés uza G antes vogal ruma, iha tetun modifika sai J
Hau fiar sei iha lia-fuan seluk tan mak ita sei koalia la tuir ortografika tetun ne’ebé los. Hein katak ita bele hadiak neneik no bebeik atu loron ida iha ona padraun ida loos.
Loron diak,
Billito Soares